DIWATA

Mula sa malayong dako ikaw ay nakita

Ang malaking leon sa puso ko'y nais makawala

Sa bilis ng tibok nito, ang kidlat ay nagbadya

Ang bilis ng pag dating, nahulog nalang bigla

Nilapitan agad kita kasi ayaw na kitang makawala

Huhulihin ang tingin mo, ngiti ang nais kong makita

Ang pangarap kong halik sayo sana mag mula 

Kelan kaya ang puso mo ay makukuha?

Salamat sa Diyos ang panalangin ay natupad

Banayad mong haplos ang dumampi sa 'king palad

Agad na nahimlay dahil sa maganda mong tinig

Sa aking pag gising ikaw na ang iniibig

Oh diwata! nandiyan ka pa ba sa iyong tahanan?

Ang bilis mong nilisan ang lugar kung saan kita natagpuan

Tunay ang pagtingin ko sayo, dapat ko bang patunayan?

Sabihin mo sa akin, iaalay ko ang buong kagubatan

Matagal na akong naghihintay sa muli mong pagbabalik 

Sa bawat kaluskos ng dahon, ako'y nasasabik

Umaasa pa rin hanggang ngayon na muli kang lalapit

Pusong nalulumbay, may pag ibig pa kayang makakamit?

-Ej

MULING IBALIK

Sa pag dating ng malakas na alon

Natangay ang Pusong di makaahon

Maalat na dagat sa akin ay lumamon

Tuluyang nalunod sa alaala ng kahapon

Hindi makalimot sa panahong nagdaan

Paulit ulit binabalikan ang ating nakaraan

Nakatanim parin sa puso ko't isipan

Mga ngiti mong dulot ng ating pag-iibigan

Lumalalim na ang malungkot kong gabi

Ngunit wala ka pa rin sa aking tabi

Hanggang kelan hihintayin ang bukang liwayway

Magliliwanag pa kaya ang aking buhay

Para akong hayop na naliligaw sa kagubatan

Iniisip kung paano ba kita babalikan

Nalulumbay ako sa gitna ng kawalan 

Umaasang muli kitang mahahagkan

Ilang beses ko ng sinubukang ibaon sa limot

Pero bumabalik pa rin ang hapdi at kirot

Tuluyan kang mawala, ang aking kinakatakot

Ang pag-asa ay kailan ko kaya maabot

Heto na naman ako sobrang nahihirapan

Sa bawat araw ay lubhang nasasaktan

Makakamit ko pa kaya ang iyong kapatawaran

Sa lahat ng nagawa kong kasalanan

Kalawakan ay magkasama nating liparin

Mga bituin ay masigla nating abutin

Ang kalahating buwan ay sabay nating buoin

Magkaharap nating yakapin ng mahigpit ang hangin

Patilain mo ang ulan na sa mata ko nagmumula

Bumuo na tayo ng panibagong simula

Sigaw ng puso ko ay iyo nang dinggin

Muling ibalik pag-ibig na dati ng naging akin

-Ej

ALAALA

Tayong dalawa'y nagtagpo, pagmamahala’y napuno

Sa ilalalim ng puno ating sumpa sa isat isa’y nabuo

Mga katagang “mahal kita” iyong sinambit

Puso ko’y nagalak at kinilig

Simpleng ngiti mo’y tumutunaw na saking puso

Mga yakap mo’y nagsasabing ako'y iyo

At mga halik mong kay tamis

Hindi ko naisip na itoy mangyayari sakin

Na ikay makikilala’t mapapasakin

Mamahalin at ako’y ituturing na parang prinsesa

Kaya ako'y nagpapasalamat na ikay aking nakilala

Ang taong nagbigay kulay sa mundo kong halos wala na

Hindi ko inakala na sa ilalim ng puno ng manga

Magsisimula ang mga alaala’t pagibig nating nadarama

-Lia